Begoña Caamaño nun club de lectura no IES VALADARES
REAL ACADEMIA GALEGA, biografia de Begoña Caamaño
PODES LER a biografía completa da homenaxeada premendo na ligazón que tes enriba. Nese texto, escrito por Ana Romaní, lemos...
<< A cidade de Vigo medra absorbendo os barrios e parroquias periféricas. O traslado a Coia a mediados dos anos 70 marca unha inflexión na biografía da futura escritora. É un polígono de nova construción, representativo do desarrollismo da época, tamén da conflitividade que a expansión (expropiacións incluídas) xera. A campaña “A Bouza é nosa” defendía as zonas verdes e a calidade da vida do novo barrio.
Un grupo de frades dominicos, aliñado coa Teoloxía da Liberación, dinamiza o asociacionismo local, promovendo iniciativas para a mocidade nas que a adolescente Begoña Caamaño participa: grupos de debate, excursións, acampadas...
Rematados os estudos de EXB no Colexio Amor de Dios, cursa bacharelato no Instituto Coia 2 (agora Alexandre Bóveda), un dos centros máis activos nas mobilizacións que reclamaban descontos no transporte público. Begoña Caamaño cursaba 3º de BUP cando os “Pases pro bus” deron nome a unha das protestas estudantís de maior repercusión na cidade.
A reivindicación de dereitos e a mobilización por causas xustas acabará por conformar un dos trazos significativos da escritora que manterá durante toda a súa vida un constante debate sobre a xustiza, a ética, os dereitos, as opresións >>...
TRABALLO QUE CHE PIDO: Gustaríame que os teus comentarios tamén sexan en galego.
1. Na seguinte ligazón tes a canción que Uxía, unha das amigas da homenaxeada, presentaba hai uns días...
Despois de escoitala, sinala algunha palabra, frase da mesma coa que te identificas e di o motivo.
2. Begoña é a oitava muller á que se lle adica o Día das Letras Galegas (creado en 1963, esta é a edición nº 64). Ela escribía alá no 1990 un artigo no que escribía:
"Esquécese que paradoxicamente os mesmos compañeiros que animan a unha traballadora a utilizar a súa `condición de muller´ para conseguir unha noticia, os mesmos que aplauden satisfeitos ante un logro deste tipo, son logo os primeiros en devaliar e desprestixiar o traballo femenino...
[...] para concluír que `ás mulleres todo lles resulta sempre moito máis fácil´, frase coa que mesmo deixan intuír a posibilidade de que a información conseguida pola traballadora puidera vir dun conducto totalmente alleo o seu labor profesional. En realidade o que subxace é a negativa masculina a aceptar que unha muller poida superar a un home no eido profesional.
[...] Os homes seguen sendo os depositarios da profesionalidade e da intelixencia, para eles é o recoñecemento da valía e da súa capacidade, pola contra as mulleres seguen a ser bonecas, calquera parte da súa anatomía é máis digna de loubanzas que o seu cerebro"
BEGOÑA Caamaño. Artigo "Ser muller na radio",
revista Festa da Palabra. Publicación galega de mulleres. Galicia. Outuno 1990
Pensas que desde aquel 1990 xa cambiaron as cousas neste senso ou segues vendo necesaria esta reflexión tamén na nosa sociedade actual. Di o motivo da túa resposta.
3. Busca alguén na túa familia que tivera na súa adolescencia ou xuventude relación con algún grupo parroquial que lle axudou a pensar, a implicarse na axuda ós demáis con reunións de grupo, convivencias, campamentos ou calquera outra actividade e resume o máis importante da súa experiencia.
4. Pregunta a 5 persoas de diferentes idades (entre 20 e 30 anos, 30-40 anos, 40-50 anos, 50-60 anos, máis de 60) que che digan unha escritora en galego que leran ó longo da súa vida (libros enteiros ou algún texto aillado). Que conclusións sacas da túa enquisa.
SUBES as túas respostas a través dun
comentario a esta entrada e NON ESQUEZAS
escribir o teu NOME, número e curso
(indicando si eres de ESO ou BACH).
¡GRACIAS!
